CANDO ENTRO NO
LIBRO DIXITAL AS ACTIVIDADES ESTÁN SEMPRE SEN FACER. COMO SEI CALES ESTÁN
FEITAS E CALES NON?
As actividades do libro
dixital aparecen sempre sen facer para que poidas repetilas cantas veces
queiras.
Ainda así, o libro garda
un rexistro, que eu podo ver de todas as actividades que fixeches, se as
remataches, cantas veces as fixeches, canto tempo che levou…
Se non
lembras se tes feita unha actividade ou se a remataches, podes velo na pestana
de “SCORES”, que está no libro dixital, xusto debaixo da pestana de “UNITS”.
Se clicas nesta pestana, vas a poder ver un recadro coma este:
Nas pestanas das units, vas ver as actividades de cada tema.
Os “attempt” son as veces que fixeches cada unha das actividades.
“Latest score” é a puntuación que sacaches na última vez que
fixeches a actividade.
No cadro de arriba podes ver que a primeira actividade está
rematada porque ten unha puntuación de 8/8. É dicir, están feitas todas.
Sen embargo, a segunda actividade está sen rematar porque de 6
palabras que había que unir, so hai 3 ben feitas. Faltan dúas para que marque
6/6. Entón si que estaría rematada.
TEÑO QUE FACER
AS ACTIVIDADES COLGADAS ANTES DE SEMANA SANTA?
Se entraches por primeira vez ó blog
de inglés e atopaches actividades anteriores que non fixeches, non te
preocupes. Pódelas facer mais adiante: o día que remates as actividades moi
pronto será un día ideal.
NON SEI POR
DONDE ENTRAR Ó LIBRO DIXITAL
Na pestana de cada curso hai un debuxo
grandote co logo do libro “QUEST”. Debaixo pon, “Accede dende aquí ó teu libro
dixital”. Ahí será donde tes que clicar para poder acceder.
CANDO TENTO ACCEDER
Ó LIBRO DIXITAL SÓ VEXO ISTO
“Adobe Flash Player” é unha aplicación
informática que necesitas ter habilitada para poder acceder ós contidos do
libro. Podes activala clicando enriba dela. Vaiche preguntar se queres executar
o flash e tes que clicar en “Permitir” ou “Aceptar”.
Se en lugar de este mensaxe, di que
está bloqueado, podes preguntar en google “cómo activar adobe flash player” e
poderás ver diferentes explicacións e formas de actívalo dependendo de se estás
usando unha tablet, un ordenador ou o móvil.
TEÑO QUE
ENVIARCHE TÓDALAS TAREFAS QUE FAGA?
Se tes forma de enviar unha foto ou a
tarefa escaneada, encantarame recibila. Reviso diariamente o correo para ver se
hai tarefas vosas.
Se non tes xeito de enviala, non te
preocupes. Sei que o estás facendo esforzándote un montón e só terás que enviarme
un correo cando teñas algunha dúbida. Poderei ver o moito que traballas a
través do teu avance no libro dixital.
FAGO A
PRIMEIRA ACTIVIDADE DO LIBRO PERO CANDO VOLVO ENTRAR NON APARECE FEITA
A primeira páxina do libro é un xogo.
Esta actividade serve para comprobar o acceso ó libro e que todo funciona
perfectamente. Por iso, cada vez que accedas vai estar en blanco. Pódela
repetir cantas veces queiras, ou saltala… xa sabes onde están as cousas 😉!
CANTAS
ACTIVIDADES DO LIBRO DIXITAL TEÑO QUE FACER?
Só as actividades de
cada día. Cada vez que teñas clase de inglés irás o blog e verás cales son as
actividades que tes que facer: poden ser vídeos, fichas, actividades do libro
dixital….
Ningún comentario:
Publicar un comentario